Sporðdreki: Þú þarft virkilega að slaka á í eyðslunni. Hingað og ekki lengra!

Hellúúú!!! Það er 31. mánaðarins, hver á pening þá???? Alla vega ekki ég og þá er nú ástæðulaust að hvetja mig til að hægja á eyðslunni í dag...

Hvernig væri að koma með svona spá í upphafi mánaðarins og af og til yfir mánuðinn, þá væri kannski hægt að bjarga mér og fjármálunum mínum.

Ég hef séð son minn reyna að fæðast á réttan hátt!!! (Nei mennirnir í hvítu sloppunum þurfa ekki að koma að ná í mig).

Fór með hann í höfuðbeina- og spjaldhryggjameðferð til að athuga hvort ekki væri hægt að hægja á kvöldgrátinum. Þetta var hreint út sagt magnað. Þarna grét litla skinnið í hálf tíma og engdist um á nuddbekknum og sofnaði síðan og svaf út restina á meðferðinni. Hann byrjaði liggjandi á bakinu og á endanum var hann búinn að snúa sér í 45° og velta sér yfir á magann, búinn að koma höndunum sínum vel yrir þannig að hann gæti farið að spyrna sér út og fæðast!!! Hahaha börnum, sem tekin eru með keisara og þá sérstaklega þau sem eru tekin í bráðakeisara þar sem allt gerist á 0,1 sek, finnst eins og þau eigi eftir að ganga í gengn um alvöru fæðingu og gera það í svona meðferð. Þarna lág hann, spyrnti sér og nuddaði andlitinu upp við bekkinn og reyndi að koma sér áfram. Undarlegt en SNILLD!!!

Fæddur er sonur minn, í annað sinn!!!!

Rak augun í góða grein á forsíðu Blaðsins nú í vikunni um samkynhneigða fugla sem fengu að ættleiða eitt stykki unga. Fuglarnir sem eru flamíngóhommar heita Carlos og Fernando hafa verið saman í nokkur ár og voru víst farnir að örvæta því þeir náðu ekki að eignast afkvæmi!!! Hellú hver fann það út??? Jæja þegar einn kvenkynsflamingófuglinn yfirgaf hreiðrið sitt með eggi í fékk einhver snillingurinn þá snilldarhugmynd að plata hommafuglana og láta sem þetta væri þeirra egg!!! Eggið var látið klekjast úr og er unginn kom í heiminn var honum pakkað aftur inn í eggið og það límt saman og komið fyrir í hreiðrinu hjá hommunum. Hommaflamíngóarnir voru svo hæst ánægðir þegar unginn kom í heiminn í annað sinn og litu á hann sem kraftaverk.

Og þetta kallaðist áfangasigur í greininni!!!! hahaha svo hafa íslensk sakynhneigð mannspör bara nýverið fengið leifi til ættleiðingar...

Líf manns snýst bara um unga sveininn þessa dagana og mun líklegast einnig gera það næstu árin, sem er jú bara gaman. Dagurinn líður með brjóstagjöfum, skeiningum, svæfingum og baðferðum öðru hverju.

Ungi sveinninn greindist með ungbarnakveisu nú á dögunum sem lýsir sér í stanslausum gráti með ekka og öllu tilheyrandi í um 2 klukkustundir að kvöldi til... og þá meina ég STANSLAUSUM!!! Mamman og pabbinn verða þá bara að skiptast á að ganga með hann um gólf og knúsa þetta litla skinn. Þetta er kveisa sem birtist þegar börn eru 4-6 vikna og hverfur þegar þau eru 3ja mánaða. OG það skrítnasta er að enginn veit hvorki af hverju þessi kveisa stafar né af hverju hún hverfur skyndilega.

Mamman þarf, í fyrsta sinn á ævinni, að drekka te!!!! Te sem róar hann og örgglega mömmuna líka og svo fer snáðinn í höfuð beina og spjaldhryggjameðferð (hel ég að þetta heiti) í næstu viku til að athuga hvort ekki sé hægt að hægja á vexti gráu háranna á foreldrunum...

Gekka af stað í gær í sól og 14 stiga hita áleiðis til hans Jóhannesar míns... sver það að ég hélt að ég fengi brunasár á sitthvora rasskinnina svo glatt skein sélin á þær hjá mér. Er ég kem í Bónus sem er akkúrat í hinum enda bæjarins byrjar að

      rigna og rigna og rigna og RIGNA!!!!

Aaaarrrrg þráðbein útlandarigning sem jókst bara frekar en hitt... stelpan lagði því af stað heim og gekk á öðru hundraðinu, hundblaut, með maskarann niður eftir öllu andlitinu, blaut í báðar lappirnar og inn að beini og gangandi á buxunum sínum því þær lengdust alltaf því meira sem þær blotnuðu...

Þá er skírnin yfirstaðin og prinsinn minn kominn með nafn:

Emil Rafn Kristófersson 

og er alnafni afa síns á Grafarbakka. Skírnin gekk svona líka glimrandi vel en við hjúin erum fegin að svona veisluhöld séu ekki í viku hverri... þetta er meira en að segja það!!! Baka, baka og skreyta kökur... Skírnartertan var að mínu mati sú allra besta en manninum mínum þótti aðeins of mikill rjómi á henni enda er hann ekki rjómaaðdáandi eins og frúin.

Nei nei nei það var nú ekki húsmæðraskólagengna daman sem bakaði hana heldur ungfrú ein á Stokkseyri sem ég náði að hafa uppá.

Skiptir ekki, verð bara að láta þessa líka heita það!!!!

Fór í vax í gær sem er nú vart frá sögu færandi nema fyrir þær sakir að þegar ég er að klæða mig úr erum ég og vax-ínan þvílíkt að spjalla...

...og ég klæði mig úr sokkunum, buxunum og síðan hefst ég handa við að klæða mig úr efri partinum líka. Hellú!!! Var á leið í vax upp að hnjám. Þá rannka ég við mér: úpps, uuu, hí hí hí smá ruglingur. hmm hmm...

Neyðarlegt, með eindæmum!!!

Baðkarið okkar týndist... ó já var ég ekki búin að nefna það að það er komið til landsins eftir 13 vikna ferðalag frá Póllandi... skil ekki hvernig Pólverjar nenna að þyrpast hingað til lands ef ferðalagið tekur svona langan tíma, þeir hljóta að vera svangir, þreyttir og örmagna þegar þeir koma til landsins... en allavega þá áttum við að fá það, baðkarið semsagt, sent í sveitina en þegar okkur fór að lengja eftir því þá kom í ljós að það var horfið, týnt og tröllum gefið!!!!

Ok það næsta sem gerðist og kemur baðkarinu títtnefnda ekkert við var að ég þurfti að fara í eftirskoðun til að láta tjekka á keisaraskurðinum upp á 5. hæð í húsi einu í RVK... ekki vandamálið nema hvað!!! Lyftan biluð!!! Er eitthvað að, akkúrat í dag og akkúrat á þeim tíma sem ég átti að mæta!! Úff úff úff, ég gat vart sagt nafnið mitt og kennitölu þegar ég komst loksins upp...

En dagurinn bestnaði... baðkarið fannst og komst á leiðarenda, hingað í sveitina og ég komst heilu höldnu niður af fimmtu hæðinni!!!

Jæja þá er stelpan byrjuð að baka fyrir skírnina þær tertur sem hún er ekki búin að koma yfir á mömmu sína Gott að eiga góða mömmu að!!! En það fyndnasta við blessaðan baksturinn er að ég er ekki viss um að húsbóndinn á heimilinu ætli að ná því að kökurnar séu ekki eyrnamerktar honum heldur eru þær fyrir skírnina... FYRIR SKÍRNINA!!! Því eitthvað virðist minnka í döllunum dag frá degi og tóm bréf að finnast þegar húsmóðirin kemur fram úr á morgnana... OK kannski er hún sjálf líka búin að vera dugleg að eta birgðirnar Þannig að taka tvö í bakstri er ekki áætluð fyrr en á föstudaginn, tveimur dögum fyrir skírn!!!

Með súkkulaði út um allt andlit kveður húsmóðirin úr húsi bakarans....

Vildi líka minnast á eitt mjög merkilegt að lokum!!! Það var ung kona áðan sem sagði að sonur minn væri líkur mér!!!

Jibbíííí

....svo skemmtileg þessi tiltekna kona!!!

Ég átti að taka einhverja pappíra á Bakkanum með mér heim og var minnt margsinnis á þá og alls ekki að gleyma þeim... Ég færði þá alltaf nær mér svo ég myndi örugglega ekki gleyma þeim. Síðan kveð ég og geng út og viti menn, fyrsta sem ég fatta þegar ég skelli hurðinni: andsk. ég gleymdi pappírunum!!! Jæja gott allavega að ég var ekki komin lengra en þetta. Ég skunda aftur inn, næ í þá og rölti síðan að bílnum drekkhlaðin þar sem ég var með soninn og allt hans hafurtask. Ég legg frá mér pappírana og byrja að hlaða bílinn. Síðan sest ég inn og keyri af stað... þá fer ég allt í einu aftur að hugsa um pappírana og lít aftur í bíl... engir pappírar!!! Andsk. aftur!!! hvert setti ég þá?? jæja ég hugsa með mér að ég finni þá bara þegar ég kem heim og keyri með því sama af stað. Hvað rekur stelpan þá augun í???? Pappírana fljúgandi af húddinu á bílnum og út á tún!!! Sjjjjjit og ég stuttu seinna hlaupandi á eftir þeim, þegar seini fattarinn minn var búinn að gefa boð um að ég ætti að fara á eftir þeim.